The Ignorant
കുട്ടികൾ കൗതുകത്തോടെ
കൂട്ടിലടച്ചോരാ കോഴികുഞ്ഞുങ്ങൾ
അതിൽ ഒരു കുഞ്ഞു കുറുമ്പി
വിരുതിയായി വളർന്നു
തിരിച്ചു കെട്ടിയ കൂടിനുള്ളിൽ
അസ്വാതന്ത്ര്യത്തിന്റെ രോഷം
മൂത്തവൾ കൊത്തി കൊന്നോരോരോ കൂട്ടത്തെയും
തൻ തോഴിയെ തീറ്റക്കരുകിൻ
കൊക്കീ വിളിക്കും ഒരുവൻ
അവനെയും കൊത്തി കൊന്നിട്ടവൾ
ഏകയായി മാറിയതറിഞ്ഞിടാതെ
കൊക്കി വിളിക്കുന്നുണ്ട് കൂട്ടരേ തീറ്റക്കരുകിൽ
തിരിച്ചറിവില്ല മിണ്ടാപ്രാണികൾ
ഇവർ എങ്കിലും നമ്മളെ പോലെയെന്നോ
Comments